Hackmeetingari buruz

Hackmeetinga kezka tekno-politikoak partekatzeko topagune autogestionatua da.

1998an egindako lehen topaketatik gaur arte, ezagutza teknikoak dituen edo ez dituen jendea aurkitzeko, zalantzak azaltzeko, eztabaidak sortzeko edo ezagutzak partekatzeko gune bat izan da, gai sozialak eta teknologia protagonista diren ingurune batean.

HackMeeting 2025 “AragOFF” Manifestua

#

Lapurreta da, ez da lehortea!

Hogeita bost urte, edo beste era batera esanda: mende laurdena, lehenengo Hackmeeting-etik igarotako denbora da. 2000. urteaz geroztik urtero egin den ekitaldi bat da, zeinean hainbat hacker belaunaldi igaro diren, 2020ko pandemiak soilik eten duena. Oraingo honetan 2010eko Hackmeeting-a ospatu zen toki berera itzuliko gara, CSO Kike Mur Zaragozan.

Multinazionalak eta erakundeak gure lurra espoliatzen eta datu-zentroz betetzen ari dira, beren onurarako. Zerbitzarien makrogranjak txerri makrogranjek mindekin kutsatzea lortu ez duten edateko ur apurra lapurtzen ari zaizkigu. AragOFF ofentsiba hau gelditzeko desio kolektibotik sortu da; gure lurrari gure tresna eta azpiegitura digitalen gaineko subiranotasuna berreskuratzeko egiten diogun deia da. 1936an, Aragoiko Kontseiluak ezarri zuen nekazariek landu eta administratu behar zituztela lurrak, guk jendeak landu eta administratutako azpiegiturak nahi ditugu.

“Hodeia” bezalako datu-zentroak aurkezten dituen narratiba korporatiboaren aurrean, guk badakigu hodeia ez dela existitzen, besteen ordenagailuak baino ez dira. “Tu Nube Seca Mi Río” kolektiboak oso ondo dokumentatu duenez, datu-zentro horietako ur-kontsumoa astronomikoa da. Batez besteko datu-zentro batek 40.000 biztanle inguruko hiri batek adina kontsumitzen du. ChatGPTk litro erdi ur kontsumitzen du sortzen dituen 100 hitzeko. Googlek jakinarazi zuen 2021ean Espainiako estatuan kontsumitzen denaren % 10 kontsumitu zutela bere datu-zentro guztiek, eta zifra horrek gora egiten jarraitzen du. Hori zentzugabea da lehorte egoera gero eta sarriago batean, gero eta ibai gehiago baitaude kutsatuta mundu osoan. Azken batean, teknologia handien erasoetatik gure lurraldeetako ura defendatzea ezinbestekoa da.

“Chandrío” honen atzean ohiko susmagarriak daude: Amazon, Blackstone, Microsoft… Baina “green” etiketa duten enpresak ere igo dira gurdira, irtenbide iraunkorragoak bilatu beharrean onura ekonomikoa baino bilatzen ez dutenak, hala nola Box2Bit eta Bester. Eta, ohi bezala, Aragoiko gobernuaren, Espainiako gobernuaren eta estatuaren babesa dute.

Guk datu-zentro txikiak irudikatzen ditugu, erabiltzen dituen jendeak administratuak. Lehen hacklab-etatik eta zerbitzari erradikaletatik hasi eta egungo sare sozial libre eta federatuetaraino, ziberespazio antagonista bat sortu dugu, megakorporazioen mende ez dagoena. Gure erreferente ugarien artean, Sindominio eta Autistici daude, eta kontu eta posta zerrendak, biltegiratzea, txatak, padak, web orrien ostatuak… eskaintzen dituzte. Hori guztia software librean. Fedibertsoa, edo sare sozial libreen sareak, gure agentzia eta pribatutasuna errespetatzen duten ekimen kolektiboak ditu. Modu autogestionatuan eta horizontalean eraikitzen dugun ziberespazio antagonista hori guztia.

Gure proposamenetako bat kontsumo txikiko nodo autonomoen sare bat ereiten jarraitzea da. Eguzki-panelen energiaz elikatutako zerbitzari txikiak, elkarren artean konektatuta daudenak komunitateko irrati eta zuntz optikoko loturen bidez. Ez ditugu beraien datazenter faraonikoak behar. Hardware birziklatuarekin eta adimen kolektibo handiarekin, gure ibaietako urarekin ureztatu beharrean, gure bekokien izerdiarekin eta gure eguzkiaren energiarekin ureztatuko den internet bat sor dezakegu.

Hackmeeting hau aukera bat da makro datu-zentroen alternatibak eraikitzen jarraitzeko. Azpiegitura autogestionatuak sustatzen jarraitzeko. Gure software libreko tresnak pribatutasunaren eta ekologismoaren printzipioen arabera programatzeko. Aragoin bilduko gara hainbeste mailatako erauzketa makro proiektu horiei “EZ” esateko. Horregatik, mundu guztia deitzen dugu irailaren 27an, ostirala, Zaragozan, zera oihukatzeko: Lapurreta da, ez da lehortea!

“Edateko ura nahi dugu, kaleak garbituko dituen ura, bizitzeko ura”

-Ixo Rai

Historia eta zutabeak

#